قصص بالدارجة المغربية
منتدى قصص بالدارجة المغربية يعرض قصص مغربية بالدارجة
قصص بالدارجة : حكاية حب
قصص بالدارجة المغربية حكاية حب
الجزء ١
اليوم قررت نكوليه كولشي صافي مانقدرش نبغيييه فسر اه كنبغيه و لكن راه لي طرا ليا فالماضي صعيب اتقبلو بسهولة... اش غايدير بوحدة غتصبوها 6 ديال الدمادم اوووووف اسامي علاش خليتي قلبي ينبض علاش علاش انا مانصلاحش ليك غادي غيير نضلمك معايا اااااه يا ربي تعطيني القوة
زربت عليكم انا سميتي ايناس العمر ديالي 24 سنة وعندي حقي فالزين البشرة ديالي بيضة و الفرمة حوتتتة و العنين مابين الزرق و الخضر هه فهادي خرجت الواليد حيت هو ماشي مغربي ولكن مسلم و خدامة مساعدة مهندس و عايشا معا الوالدة ديالي بوحدنا واخا عندي اب و اخ ولكن هما عايشين فالميريكان و كايجيو غير مرة مرة نرجعو للقصة ديالي لي ماعرفت منين نبداها اووك غانبدا ليكم من النهار خديت الديبلوم ديالي و قررت نقلب على خدمة
امينة(الام ديالي) : يالاه ابنتي نوضي راه السبعة هاذي ياك البارح قلتي ليا غاتقلبي على خدمة
انا : اااه ولكن بلاتي غير خمسة الدقايق ونوض
امينة : لاواه ا ايناس غادي تعطلي
انا : واخا اماما هاهيا نايضا
فقت بست الواليدة راسها و دخلت ندوش واخا الصباح ولكن تعودت ديما ملي نفيق خاصني ندوش (هه لي فيه شي عادة عمرو غادي اخليها..) دوشت وصليت وهبط نعاون الواليدة فالفطور ولكن الله اخليها ليا لقيتها حطاتو و كاتسناني نهبط عندها
امينة: بنتي اش عندك ماديري بشي خدمة
انا: وماما راه مليت من الدار وبغيت نبدل الروتين
امينة : نتي فهاد العمر خاصكي غير تفوجي على راسك وديري صحابات
انا : ماما عارفا داكشي لي وقع ليا اخير مرة تكون عندي شي صديقة مابقاتش تيقة
امينة : ايوا ابنتي نتي تعرفي لي اناسبك ديريه
انا : واخا الواليدة يالاه هانا غادة دعي معايا
امينة : الله يوفقك ابنتي
خرجت من الدار و ديماريت اللوطو ديالي و شديت الطريق في اتجاه المجهوول ماعرفت اش كايتسناني هادي اول مرة نخدم حيت العائلة ديالي الحمد الله ميسورة و ممحتاجاش نخدم حيت كولشي موفر ليا ولكن بغيت نجرب سوق الشغل حتا انا ههه وصلت العنوان ديال واحد الشركة كبيرة واو اش هاد العجب دخلت و حبسني السيكيريتي
الشخص : فين غاديا اللالة
،الشخص : فين غاديا اللالة
انا : سمحليا اخويا .. انا جيت ندفع السيفي ديالي على الله نلقا خدمة
الشخص : اه واخا سيري ديريكت طلعي فالاسانسور الطابق الثاني و دوري على الليسر ديالك اول بيرو فطريقك اووكي
انا : شكرا اسيدي
دخلت طلعت فالاسانسور و مشيت للبيرو لي كاليا السيد نمشي ليه .. دقيت
الشخص : تفضل
انا : السلام و عليكم (بززت باش خرجتها)
(اييييي امي على زييين اللله ياربي اكون ليا هه اش هادشي كانخرف اوووف)
الشخص : وي مادام اش حب الخاطر
انا : مادموزيل عافاك .. انا شفت الاعلان ديال الشركة ديالكم و جيت ندفع السفي ديالي
الشخص : سمحيليا .. اه تفضلي كلسي بعدا
انا : شكرا اسيدي
الشخص : الصراحة نتي تعطلتي شوية حيث البارح كان اخر اجل و دوزنا الانروتيان و..
انا : اااه اووكي شكرا
يالاه بغيت نخرج وانا نسمع ادددق على البيرو
الشخص : كلسي
انا : ول..
الشخص : اول حاجة اخيب حاجة عندي شي واحد اقاطعني وانا كنهدر
انا : سمحليا
الشخص : المهم كيفما كلت لييك البارح دوزنا الانتروتيان ولكن الصراحة مالقينا تا حد منهم مناسب لهاد الخدمة داكشي علاش قررنا نلغيو الطلب ديالهم ولكن انا كنظن نتي غاتكوني مناسبة واخا جيتي معطلا اري داك السيفي نشوف
مديت ليه السيفي وانا كانترعد اوووف ماحيتي هو تعصب عليا وانا ماكنحملش لي ارفع صوتو عليا و ماحيتي لهاد الزييين وااااو عنين قهويين سنان بيضين و اللحية مطراسيا واو كولشي فيه رائع
الشخص : ممتاز ، من الشوفة عرفتك نتي لي كانقلب عليك و من الفوووق كاتكلمي ربعة داللغات لا مايمكنش نضيع بحالك من بين ادي
انا : المقصود
الشخص : مرحبا بيك عندنا نتي غاتخدمي معايا كمساعدة شخصية ديالي
انا : بهاد السرعة
الشخص : اااه الصراحة كاع المؤهلات عندك رائعة
انا : شكرا ايمتا نبدا الخدمة
الشخص : من غدا الا بغيتي .. اه انا سميتي سامي مهندس 29 سنة و عازب
انا (هادا مالو واش غاندير ليه الحالة المدنية بببففف) : متشرفيين اسيدي
سامي : ليا الشرف الزين
انا : اوووكي غدا انشاء الله نبدا
خرجت من عندو كولي كنترعد و شاكا بلي شي حاجة ماشي هي هاديك فهاد السيد مي مزال الايام تورينا مشيت للباركينغ ديال الشركة خديت طوموبيل و اتاجهت للمول ناخد ليا شي لبيسات حيت لي عندي مايصلاحوش الخدمة مشيت خديت ستة ديال اللباسي فالوان مختلفة خلصت و اتاجهت للدار
انا : ماماتي هانا جيت .
ماما: اهلا انوارت الدار امدرا
انا : لقيت خدمة ولكن صراحة شي حاجة ماشي هي هاديك حيت ماسولوني تا سؤال ابدا و دغيا تقبلت وغادي نبدا غدا
ماما : ايوا العجب هادا المهم الله ادير لي فيها الخير
انا : ماماتي انا طالعا نعس شوية بلا متفيقيني عيانا اوووك
طلعت للبيت ديالي توضيت و صليت الصلاة لي فاتني ياربي تسمح ليا و تكيت اش نكوليم دخلت فغايبوبة طويلة المدى مافقت تال العشرة دليل جاتكم عجب مي ختكم معكازة و نعاسة من الطراز الرفيع ماعرفت كيغادي ندير نخدم مع الصباح و انا موالفا ماكانفيق تال الواحدة دنهار
فقت توضيت صليت العشا واخا معطل الله يسمح ليا هبط لقيت الواليدة ناعسة هههه مشيت الكوزينة خديت عشا خفيف و طلعت لبيتي ماجانيش النعاس بقيت كانتفرج تال واحد الوقيتة فقت لقيت راسي ناعسا و خليت التلفازة شاعلة سديتها و كملت النعسة ديالي
الجزء ٢
ترررن ترررررن ترررررن
انا : اووووف شكون مصدعني على الصباح حليت عين وسديت عين و لقيت التيلي كايصوني حيت كنت حفقتو على السبعة دالصباح طفيتو ورجعت كملت النعاس واحد عشرة دقايق هاهو ثاني بدا اوووف ستسلمت و نضت دوشت كيما العادة و صليت و هبط فطرت معا الوالدة نعاسة بحالي مافيقتهاش فطرت طلعت لبست حوايجي و كتبت ورقة الوالدة بلي مشيت الخدمة .... ضيماريت اللوطو و دخلت هاد المرة ماحبسني حد مشيت البيرو ديال ياسر دقيت ماجاوبني حد دخلت لقيتو ماكينش كلت نتسناه على برا اوووف ساعة ساعتين يالاه السيد جا و كيفرنس
ياسر : اهلا مادموزيل ايناس تباركلاه عليك جيتي بكري
ايناس : اه حيت ماعرفتش الوقت فاش غانبدا كلت من الاحسن نجي بكري (فخاطري الله يلگيها ليك فهاد النهار كون عرفتك ماجاي تال العشرة كون نعست تفووو..)
ياسر : اه ماشي مشكيل من اليوم اللالة الخدمة ماكاتبدا تال العشرة دصباح واخا
ايناس : اوووك مسيو ياسر
ياسر : يالاه تفضلي نوريك البيرو ديالك
ايناس : اوووك شكرا
مشيت تبعتو دخلني لواحد البيرو شهوة منو كولشي متناسق تگول راه مهندس ديكور داز و سلم عليهم ههه
سامي : هادا البيرو ديالك تعمدت اكون حدا ديالي باش ملي نحتاجك تجي بزربة هه
انا : شكرا
خرج وانا بقيت كالسة فالكرسي كانتأمل البيرو واااو شهوة منو دق دق دق
انا : وي .. دخل
سامي (ومعاه واحد الشخص) : السلام ايناس
انا : وعليكم السلام
سامي : كنقدم ليك هشام هو المدير ديال الشركة
انا : اه متشرفين اسيدي
هشام : ليا الشرف ( مد ليا اديه نسلم عليه غير مديت ليه ديالي و هو ابوسها انا حشمت معا البشرة ديالي بيضة وليت كيف مطيشة ههه)
سامي : نخليكم انا عندي خدمة
هشام وانا : اوووك
هشام : وي مادموزيل ايناس عرفينا عليك
انا : وي سي هشام كولشي كاين فالسيفي ديالي
هشام : ههههه راني عارف ولكن انا كانتيق ف سامي داكشي علاش ماطليتش علييه
انا : اوووك انا ايناس عمري 22 سنة انا مغربية مي جنسية ميريكانية و كنتكلم ربعة ديال اللغات و تخرجت من مدرسة فميريكان و جيت نستاقر هنا انشاء الله
،هشام : عظييييييييم تباركلاه عليك حگرو سامي وضفك عندنا بلا نقاش
انا : ااااه
هشام : اوووك مادموزيل نخليك تقدي اومورك انا غانمشي الى حتاجيتي شي حاجة انا فبيرو ديالي
انا : شكرا
خرج هشام تا هو وانا مزال ما ستوعبتش هتدشي كيفاش خدمت بهاد السرعة شي انا فادشي قطع التفكير ديالها أمال السيكيرتيرة ديال سامي
انا : وي اش حب الخاطر
امال : مادموزيل سي سامي بغاك فشي حاجة
انا : اووك انا جايا دابا
مشات امال و انا بقيت واحد خمسة دقايق عاد مشيت عندو حليت الباب
انا : مسيو سامي عيطيلي
سامي : وي ايناس دخلي
دخلت كلست فالكورسي و انا كانتسنا الاوامر ديالو وهو كان مركز فشي وراق
سامي : مالكي كالسة تما اجي حدايا
انا : اشنو ؟؟؟
سامي : مالكي راكي زعما المساعدة ديالي خدمتك معايا حيث بغيتك تعونيني الخدمة كثيرة عليا ولا لا
انا : اوكي مسيو
مشيت على سعدي و عدي وقفت حداه و بقينا خدامين بجوج فعلا هدشي كثير طبيعي انه يطلب لي اعاونو مهم بقينا شي 3 دسوايع تقريبا خدامين على واحد المشروع ديال واد الاوطيل ففرنسا حيث الشركة دولية دونك كاتشد مشاريع من براا شاف سامي الساعة لقاها الثلاتة ديال العشية
سامي : اوووووه خدمنا بزاف نسينا كاع الغدا
انا : ماشي مشكيل الغدا ماشي مهم
سامي : نونونو نمشيو نعمرو الكريشة و نستارحو شوية
انا : اوووك نخليك نمشي نتغدا و من بعد نكملو
سامي : لا اللالة انتغداو بجوج انا عارض عليك
بعد تفكير طويل مشينا لواحد المطعم زوين وكلسنا
سامي : شكرا على قبول الدعوة
انا : وييي هنيا
طلبنا الغدا ديالنا و فالوقت لي كانتسناوه اوجد ...
الجزء ٣
فالوقت لي كانتسناو الغدا اوجد ....
سامي : مدموزيل ايناس شبان ليك تهضري ليا على راسك شوية
انا : بحالاش امسيو سامي
سامي : اول حاجة ممكن نحييدو هاذ الرسميات بيناتنا
انا : كيفاش ؟؟
سامي : مانبقى نسمع منك مسيو وانا مانبقى نعييط ليك مادموزيل اش قلتي
انا : ولكن ا...
سامي : هههه تافقنا ياااك هاكا نبغيك كاتسمعي الهضرة
هادا مالو زرب عليا اوووف هوا كبير عليا كيفاش نعيط ليه بسميتو لا انا ماشي هاكا تربيييت اوووف
سالينا الغذا و رجعنا للشركة وفهاد الوقت ستأذنت نمشي للبيرو ديالي و من بعد نلحق على سامي مشيت لبست العبايا ديالي و اتاجهت للقبلة حيت واخا اطرا لي كان الصلاة ديالي عمري نفرط فيها تربيييت هاكا المهم ساليت الصلاة ديالي و حيت العباية و مشيت عند سامي للبيرو
انا : السلام سامي
سامي : اهلا الزين اجي نكملو الخدمة
مشيت بلاصتي و خدمنا على التصميم ديال داك المشروووع و اكيد مرة مرة كانضحكو بجوج الصراحة سامي انسان ضريييف و رووحو خفيفة الصراحة كانرتاح فالخدمة معاه بزززاف سالينا الخدمة و صلات الستة ديال العشية صافي خاصني نمشي للدار ستأذنت من سامي
سامي : ايناس بلاتي غاتمشي بوحدك
انا : اه واش باقا شي حاجة
سامي : لا ولكن دابا مبقا والو ويظلام الحال
انا : لا عادي نصف ساعة و نوصل للدار
سامي : لا انا نوصلك
انا : ولكن و اللوطو
سامي : واش عندك اللوطو
انا : اه بالطبع
سامي : ايوا صافي انا كلت ياك ماغاتكشي فالطوبيس ولا الطاكسي اوووك اللالة الله يوصلك على خير
انا : شكرا
خرجت مشيت للبيرو ديالي خديت الصاك و الكونطاك و تميت خارجة ساهيا وانا نتساطح معا هشام فالطريق ههه جيت نطيح و هو اشدني من الخصر ديالي وتوقف الزمان ههه عمري نتابهت لييه عينييه زوينين عسليين و اللحية مطراسية واو عمري رضيت البال اصلا هو المدير كاع ماكانهز فيه عيني ههه شوية رجعات الامور لمجاريها
انا : سي هشام انا كانعتاذر مرضياش البال
هشام : نونونو هانيا هادشي كايوقع
انا : اووك خليت ليك الراحة
مشيت وانا تالفة حتا اللوطو ماعقلت فين بلاصيتها اوووف اش هادشي وقع ليا المهم قلبت تا لقيتها و كسيريت للداااار
انا : ماماتي
امينة : هاني الحبيبة ديالي على سلامتك
انا : ربي يخليك ليا العمر ديالي هنا غنطلع نصلي و نهبط اوووك
طلعت للبيتي و توضيت صليت و هبط عند ماما هضرنا انا وياها ضحكنا بجوج و طلعت نعس المهم دازت شهرين وانا خدامة ديما نفس الروتين و الخدمة مع سامي ولكن حتى هشام تبدلات علاقتنا ولينا اصدقاء مقربين بزاف كولشي كانعاودوه لبعضنا و نفس الشئ معا ياسر مهم لقيت فالدراري داكشي لي مالقيتوش فالبنات تفووو كنكره هاد الجنس اخخخخ المهم دازت ايام وليالي ونفس الروتين كيما قلت ليكم تال واحد النهار لتبدلات فيه حياتي ماعرفت واش الاحسن و لا السوء نخليكم تكتاشفو
الجزء ٤
اصبحت و اصبح الملك لله كيف العادة فقت صليت و فطرت و لبست و اتاجهت للشركة عند سامي باش نخدمو
انا : صباح الخير سامي
هو : اصباح الورد والياسمين وانا كانقول مال المكتب منور (عنقني هههه )
انا : ربي اخليك حتا نتا منور ههه
مهم ضحكنا شوية و جات وقيت الخدمة خدمنا كيما العادة واحد الشوية دخل هشام ...
هشام : ايناس عافك اجي محتاجك فشي حاجة
انا : اوووك ا هشام
سامي سمحليا انا غادي نرجع ونكملو حسيت بيه تقلق مي ماعرفت علاش مشيت عند هشام للمكتب ديالو
انا : ويي هشام
هو : ايناس كلسي بعدا
انا : اووك هشام مالك كاتبان ليا ماشي نرمال
هو : ايناس دابا انا وياك اصدقاء ياكي
انا : اه بطبيعة الحال دوي راك شوشتيني
هو : بغيت نطلب منك طلب
انا : وييي على راسي و عيني
هو : كيما كاتعرفي عندنا فرع فألمانيا و الصراحة لي مكلف بيه حصلتو كايرون و انا بغيت نطلبك تمشي تكلفي بالشركة بلاصتو غير تانلقا على من نعول
انا : هشام واش عارف اش راك طلب مني
هو : عارف ا ايناس ولكن مابقيت نتيق فحد
انا (شديت راسي وتلفت) : اوووف ا هشام المهم نفكر يلاه نخليك نكمل شغلي
هو : فكري مزيان ا ايناس راه ماعندي حد اوووك
انا : اوووك صافي
خرجت من عند هشام معصبة تفووو على زهر تا كلت راه انا ستقريت فبلادي عاد خرج ليا بلان جديييد اوووف غنحماق مشيت للبيرو ديالي هزيت الكونطاك و كسيريت ماوقفت تال حدا البحر اوووف اربي علاش كاتجازيني هاكا المانيا اكفس دولة مشيت ليها فحياتي عندي فيها ذكريات خايبين بزاااف كيفاش غادي ندير نرجع ليها الله يا ربي شوف من حالي اش هاد الزهر عندي اخر مرة مشيت ليها انا و صحاباتي و شي دراري باش ندوزو العطلة داك الوقت كانت عندي 18 عام اذا هاد الحادثة دازت عليها 5 دسنين باقي عاقلة
باقي عاقلة داك النهار مشينا لواحد الحفلة ديال واحد الصديق و انا صاحبتي لي وليت نحشم نكول عليها صاحبتي فارقاتني على حب حياتي اووووف داك النهار كانت واحد الحفلة و الحمارة كانت كاتغير مني حيت انا زوينة عليها دارت ليا واحد الفخ و سيفطاتني لواد البيت فالفيلا باش نجيب ليها بورطابلها وهنا كانت المفاجئة مشا معايا التريتور تا وصصلت للبيت معا الدخلة تصدمت لقيت شي خمسة ديال الرجال كالسين و واحد جا مورايا ودفعني تا طحت و سد الباب بالساروت وانا كانغوت شكون لي اسمعني ناض واحد منهم وقفني وبقا كايتقرب ليا وانا كاندفعو والو كلهم ناضر ليا و .... اه انا تعرضت للاغتصاب 6 دالمرات و بوحشية و ملي سالاو مشاو و خلاوني مرميا تما بحال شي كلبة قضاو غاراضهم و لاحوها و شوية دخلات جينيفر
(صاحبت
جينيفر : الزوينة باش كاتحسي
انا : الصمت
جينيفير : هههه ماخليتي ليا تا حل اخر كلت ليك بعدي علي توماس (حبيبي سابقا)
انا :غيبت و ملي فقت لقيت راسي فواحد الشومبر كولها بيضة و صوت الآلات و واحد الشخص كالس حدايا ملي حس بيا فاق
اياذ (اخ ديالي) : ختي كيف بقيتي
انا : بغيت نشرب
عاوني اياذ تا شربت و رجع تكاني باش نعس
انا : خويا انا ...
اياذ : شششششش عارف اختي اش كاين و راه شدو مالين الفعلة و معاهم تا ذيك الق*** د جينيفير
انا : بغيت نعس
نعست وانا حشمانة من خويا صافي الشرف ديالي ضاع تفووو حياتي مشات ههه غاتكولو كيفاش هادي عايشا فبرا و كاتهدر على الشرف كيما قلت ليكم الاب ديالي مسلم و كان مربينا تربية حسنة و ملي بغيت نسافر كان رافض الفكرة تاماما و ماما لي دخلات و غير الرأي ديالو و وقعات الواقعة و كلست مودا فالسبيطار و شفت طبيب نفساني و هاد الوقت كولها و اياذ عمرو فارقني و عمرو كال اش وقع ل بابا و ماما
الجزء ٥
بقيت هاكاك كانبكي ساعات و انا غايبا على الوجود و التيلي قرب اترطق بالاتصالات ديال هشام و سامي
انا : ااااالو
سامي : اش هاد التصرف درتي خليتيني نحمااااااق
انا : ماسمعتش التيلي
سامي : علاش ماقلتي ليا راكي خارجة
انا : صافي هانا جايا دابا واش حتا الهوا حرام نشمو
سامي : تا تجي و نتفاهمو و قطع
هاذا مالو تسطا اويلي شكون هو باش اغوت عليا ديماريت اللوطو فاتجاه الشركة و انا ناويا على اخزيت معا سامي حيت اعدا حاجة عندي شي حد اتحكم فيا و اغوت عليا .... وصلت الباركينغ و لقيت سامي مربع اديه و كايتسنا فيا
انا : مالك اش كاين
سامي : نسولك نتي نيت اللالة مولاتي
انا : اشنو
هو : واش هادا تصرف ديال وحدة عندها 22 عام
انا : اااااوووووف اسامي
هو : و كتنكري من الفوق فين كنت و التيلي ماكاتجاوبيش عليه
انا : راه قلنا ليك مسمعتوش و زايدون شغلك نمشي فينما بغييييت سوق... (مزال ماكملت الهضرة ديالي و سامي جمع معايا بتصرفيقة وراتني نجوم فعز النهار ..)
سامي : اخر مرة تهزي صوتك عليا سمعتي ولا نعاود
انا : الصمت
هو : واش سمعتي ولا لا
انا : اشنو غانسمع مالك اش درت باش ضربني وزايدون شكون نتا باش من صفة ...
هو (عنقني): حيت كانبغيك
انا (تصدمت ) : سامي بسلامة عليك
رجعت ديماريت اللوطو و خليتو واقف بحال البلاكة و مشيت للدار
ماما : بنت اليوم رجعتي بكري
انا : اه حيت مسافرة جيت نجمع حوايجي
ماما : فين
انا : عندي شي خدمة فالمانيا
ماما : اشنو
انا : ماما نقضي شغلي ونرجع
ماخليت لماما حتا مجال المناقشة طلعت هضرت معا هشام عطيتو الموافقة ديالي و تلاحيت فرق الناموسية كانبكي تا نعست فقت على الواليدة كادوز اديها على شعري
انا : ماما
هي : بنتي كيف راك
انا : نعم اماما
هي : علاش غاتمشي
انا : عندي خدمة تما و صافي
هي : وانا
انا : نتي سيري لميريكان عند بابا و اياذ
هي : ااااوووف ا ايناس
انا : ماما خديت قراري و راكي عارفا راسي قصح من الحجر
ستسلمات ماما و خرجات انا نضت جمعت الباليزة ديالي و دوشت و صليت لي فاتني و حجزت التدكرة ديالي و هبط تعشيت ورجعت لبيتي كانفكر فكلام سامي لي خربق ليا الافكار ديالي كلهم اخر حاجة توقعتها هي هاذ الكلمة لي سمعتها منو تفووو كنكرهها بقيت تانفكر تا داني نعاس
فقت نفس الروتين صليت و فطرت لبست و مشيت للشركة و لكن هاد المرة مشيت نجمع حوايجي ساليت و تميت خارجة انا و السيكيريتي هاز ليا الكارطونة وصلت حدا اللوطو بان ليا سامي كايطل عليا من الشرجم بقيت شحال كانشوف فييييييه بحال الا كانودعو ولا مانعرف... ديماريت اللوطو وانا كانفكر فسامي اووووف انا قلبي ولا حجر من بعد ديك الحادثة و لكن سامي اووووف مشيت للدار هزيت الباليزة ديالي و ودعت ماما و شديت الطريق المطار وصلت كلست فقاعة الانتظار و كانتسنا النداء للرحلة ديالي و بغيت نرمي مورايا كاع ذكراياتي مع سامي انا منصلحش ليه حتى الا كنت تانا نبغيه ولكن عمري نقدر ندخل فعلاقة من جديد مستحيل قررت نوضع حد لهاد الحب و كلت سامي دابا غادي انساني و اكمل حياتو سمعت النداء وهانا غادة دابا للبلاد لي ماشفت منها غير العذاب من نهار جيت ليها شوية حسيت بشي حد حط اديه على كتافي
هو : ايناس ماتمشيش
انا : سامي عافاك خليني راه انا منصلحش ليك عافاك
هو : ايناس كنترجاك
انا : سامي سمحليا بسلامة
نترت اديه و مشيت و خليتو ورايا بلاكة الصراحة وبلا كذوب ندمت على هاد التصرف و وخا قلبي حجر حسيت احساس زوين معا سامي طيلت هاد المدة ولكن انا منصلحش ليه كملت الاجراءات و طلعت للطيارة و درت راسي على الزاج و مشييييييت اه صافي خليت كولشي مورايا
،الجزء ٦
عند سامي : اه يا ربي علاش هاكا علاش واش لي بغيتهم كولهم كايمشيو اخليوني ايناس خلات قلبي ينبض من جديد هي الوحيدة لي خلاتو ينبض من بعد ما توقف هادي عامين فاش دخلت للدار ولقيت خطيبتي هي و الاخ ديالي فوضعية جنسية **** اه ا ايناس فالاول واليديا لي لاحوني ف الميتم و خلاوني و مريم لي خانتني و دابا نتي واكواك
مشيت عند ايناس المطار بغيت نوقفها عالله اير تعطيني امل ولكن لا نترات ادي مت كتفها و زادت و خلاتني اه خلاتني ناري غانحماق الله يا ربي شوف من حالي علاش علاش علاش
عند ايناس:
وصلت بالليل مشي الاوطيل لي حجزت فيه وانا حاقدة على الوضعية ااووف اش هادشي طرا ليا ما يمكنش ها الاحساس لي كانحس بيه ماغريبش عليا لا مايمكنش نكون زعما كنبغي سامي لا ميمكنش اويييلي توضيت صليت و نعست باش نرتاح نعست ثاني واخد النعسة واعرة مافقت تال الواحدة دالنهار هههه رجعات حليمة لعاتها القديمة فقت دوشت صليت و خررجت شديت طاكسي حيت اللوطو ديالي خليتها المغرب و مشيت للشركة مع الدخلة سولت الاستقبالات على البيرو ديال المدير (ههه دخلت فيهم طول و عرض) وراوها ليا دخلت كلست بلاصتي و بديت الخدمة نيشان فعلا كيفما قال ليا هشام كولشي نخربق و باش نرجعو للطبيعة ديالو خاصني وقت نييييت باش نقاد هاد الروينة
انا : انجيييييييلا انجيييييييلا
انجيلا(سكيرتيرة ديالي) : نعام
(الحوار بالالمانية بطبيعة الحال ....)
انا : جيبي ليا كاع الملفات ديال الشركة لتعاملتو معاهم
هي : اوووكي دقايق ويكونو عندك
اناد: اوووكي
مشات انجيلا وانا حليت البيسي ديال الشركة و مالقيت فيه تاحجة مهمة شوية جابت ليا انجيلا داكشي لي كلت ليها و طلبت منها تسد الباب و مادخل عندي حد ابدا بقيت فالبيرو بزاف ديال الوقت طليت على المكانة لقيتها الربعة ديال العشية جمعت دوك الوراق لي بقاو ليا و عبط على السيكيريتي باش اطلب ليا طاكسي و تسنيت تا جا وهبط و مشيت الوطيل دوشت و صليت كيف العادة وهبط المطعم نتغدا كان فيا الموت دجوع ههه ساليت طلعت لبيتي وحليت البيسي باش نقلب على شي ابارتومون نشريها حيت باينة القعدة ديالي فهاد البلاد غاطول بزاف
ةفي المغرب فالشركة
سامي : السلام هشام
هشام : وعليكم سلام خويا العزيز دخل كلس ، اش تشرب
سامي : كيف العادة
هشام : اوووكي
سامي : عندك شي خبار على ايناس
هشام : من نهار مشات و خبارها تقطعو صراحة تاصلت بالشركة كالو ليا بلي كضل تخدم نهار كامل
سامي : اه مزيان يالاه نخليك
هشام : و القهوة ؟؟ فين زربان
سامي : عندي مايدار
قليك كضل تخدم نهار كامل الله يا ايناس توحشت الضحكة ديالك توحشت العفوية ديالك ايمتا هلي غادي ترجعي انا كنتعدب بزاف فالبعد ديالك عمري ضنيت نبغي شي وخدة من غير ديك العاهرة لي خربات ليا حياتي اواخا نتي ا ايناس معطيطينسش امل ولكن غانتسناك
ةالجزء ٧
فالمانيا عند ايناس
قلبت و لقيت واحد الابارتومون تاصلت بمولاها و غدا انشاء الله غانمشي نشوفها طلبت من الاوطيل كافي و كلست نخدم ثاني فعلا كيما قال ليا هشام الشركة مرونا ديال بصاح اغلبية ديال الشركات لي تعاملو معاهم خرجو غير شركات وهمية مشاكل صافي فلوس ديال هشام ضاعو غير فالخوا الخاوي بقيت خدامة الليل كامل تال الخمسة ديال الصباح عاد نعست شوية غير نرتاح الصراحة ماشي الخدمة لي عاجباني الا بغيت غير نسا الهم ديال سامي تفوو توحشتو بزاف ولكن مانقدرش نضلمو معايا شكون اقبل على وحدة غتاصبوها ستة ديال الدمادم (عيب اتسماو رجال..) نعست او نكولو غييبت كيما العادة هههه ملي فقت دوشت و صليت الله اسمح ليا الصلاة ديالي مابقيتش نصليها فوقتها المهم هبط طلبت الغدا و من بعد مشيت شريت نمرة جديدة و اتاجهت ل الابارتومون تافقت مع مولاها و عطاني السارت من بعد رجعت الوطيل جمعت الڤاليز ديالي ساليت جبدت التيلي هضرت معا الواليدة لي تا هيا مشات الميريكان ماقدراتش تبقا فدار بوحدها و هضرت معا الواليد تاهو و مع اياذ لي اتعجب حيت رجعت لهاد البلاد لي كرهتها مي شرحت ليه الوضع و تفهم هههه ومن بعد هضرت معا هشام و طمئنتو و بقا ليا سامي ترددت باش نتاصل مي فالاخر تاصلت و لكن ماجاوبش صافي خديت الڤاليز ديالي طلبو ليا الوطيل الطاكسي و مشيت لداري ههه مع الدخلة طحت دودة هههه مافقت تال الغد ليه
فالمغرب عند سامي
اليوم كان نهار صعيب بزاف اي ماسالا الاجتماع تا تغفرو ليا الذنوب يمكن خاصني نشوف ثاني شي حد اعاوني ولكن لا مايمكنش اجي شي حد بلاصت ايناس مايمكنش لا لا ظيماريت اللوطو باش نمشي لداري هزيت تيلي نطل حيت كنت نسيتو فاللوطو نهار كامل تفاجئت واحد النمرة ماكانعرفهاش تاصلات بيا و هي نمرة ديال برة طاحت فبالي ايناس كلت نوصل للدار نعاود ندور ليها هههه يمكن تاهيا توحشاتني الله يا ايناس سلبتي ليا عقلي بقيت غادي بسرعععععة تا حبسني واحد البوليسي حيت كنت غادي بالسرعة و قيد ليا بروووسي ههه خلصتو ديك الساعة و مشيت فحالي شفتي ا ايناش اش درتي فيا حرام عليك والله الا حراااااام وصلت للدار دوشت و درت كاس ديال كافي نواغ و دورت ل ديك النمرة مي كيفما توقعت حنا حد ماجاوب ههه تخيلت بزاف ولكن ايكون غير شي حد غلط فالنمرة ايناس نساتني مع الاسف....
ةالجزء ٨
عند ايناس فالمانيا
ايناس غارقا فالنعاس مافاقت تال الظهر هههه فقت لقيت التيلي ديالي باغي اطرطق بالمكالمات ديال سامي هادا مالو صونينا ليه مرة وحدة ودار ليا بروموسيووون هههه مشيت دوشت و صليت و خرجت نتغدا برا حيث الثلاجة مزال خاوية تاصلت بالطاكسي و داني المطعم تغديت من بعد مشيت للسوبر مارشي تقديت داكشي لي خاصني و رجعت للدار بدلت عليا و خديت الملفات لي كنت جبتهم و مشيت للشركة معا الدخلة حبسني السيكيريتي عطاني السوارت ديال اللوطو دالشركة كالها ليه هشام اوووف و اخيرا تهنيت من الطاكسيات شكرتو و دخلت المكتب ديالي تاصلت بهشام شكرتو تا هو و رجعت للخدمة ديالي و طلبت من انجيلا دير اجتماع للاعضاء حيت قررت نبدل النظام ديال الشركة كاملة هه رجعت للخدمة تا وصل وقت الاجتماع و تاجهت للغرفة ديال الاجتماعات عرفتهم على راسي و دخلنا فالموضوع الحمد الله مالقيت تا موشكيل و تاحد ماعتارض على القرار ديالي بالعكس كولهم صوتو ليه سالنا الاجتماع من بعد تلاتة دالسوايع و خرجت للبيرو هزيت صامي و الكونطاك و مشيت للدار بدلت حوايجي و توضيت صليت و من بعد تعشيت و درت كافي نواغ و كلست فالفوطوي مقابل مع البالكون كاتبان ليا المانيا من هنا واعرة ولكن انا كرهتها بقيت نفكر تا هبطات دمعة من عيني تانا خليت دموعي على راحتهم و بكيت تا شبعت من بعد مشيت للبيت ديالي تكيت فوق الناموسية و هزيت التيلي ندور لسامي تاصلت ربعة دالمرات و لكن ماجاوبنيش عاوتاني اوووف هادا واش كيلعب معايا الغميضة حطيت التيلي بغيت نعس شوية ولكن ماجانيش النعاس كلت نحل التلفازة نتفرج شوية درت الفوشار و شديت فيلم القصة ديالو تقريبا كاتشبه ديالي ولكن المجرم معرووف عكسي انا يالاه بديت نغفا سمعت اليلي كايصوني فبيت النعاس مشيت لقيت سامي وجاوبتو ديك الساعة فرح بزاف حيت تفكرتو وكلت ليه انا اصلا عمري نسيتو هضرنا شوية تا داني نعاس خليتو مسكين مزال كايدوي ههههه
فالمغرب عند سامي
الله شحال توحشت صوتك ا ايناس او بالاحرى ماشي غير صوتك كولشي فيك توحشتو ههه ضحكتيني ملي نعستي و خليتيني كاندوي بوحدي ولكن ماشي موشكيل الدنيا هانيا المهم دويت معاك و سمعت صوتك و بهاد التصرف نتي عطيتيني امل كبير بلي غايجي نهار لي نكونو فيه بجوج ايناس فيك شي حاجة جذباتني و لدابا مزال ماعرفتها واش عبنيك الخضرين الرائعين و لا اللاتاي ديالك و لا يمكن العفوية ديالك اااااااه ايناس اجي خلاص
،الجزء ٩
فالمانيا
الله يا ربي عظامي كيضروني اوووف منك ا سامي مخليتينيش نعس هههه ولكن هانيا اجي بعدا البارح انا امتا نعست ههههه لا ميمكنش خليتو بوحدو هههه ولكن غزيت فييييه ... خرجت من المانطا دوشت و صليت وجدت فطوري و هزيت الكونطاك و الصاك ديالي و مشيت الخدمة و فالطريق صيفط مساج ف الواتساب ل سامي كلت ليه صباح الخير و اعتاذرت منو على البارح (باينا ناويا على خزيت و لكن والله الا توحشتو يمكن وليت نبغيه مي ...) بقيت غادة و كنضرب فالديريكسيون ديال اللوطو و قفت فجنب الطريق و بقيت نبكي على زهري الله يا ربي علاش انا من دون البنات اوقع ليا هاكا علاش علاش بقيت هاكاك تا شبعت بكا و من مسحت دموعي و ديماريت ثاني وصلت للشركة كلت ل انجيلا تجيب ليا كافي و دخلت المكتب معصبا ولي زاد كمل عليا السؤول ديال العلاقات العامة مادارش خدمتو فالوقت غوت عليه على احر جهدي خاصني هو اللول نخاصم عاد كولشي اتقاد تفووو هزيت التيلي و الكونطاك و مشيت حدا البحر طلقتها ثاني اوووف وليت عصبية و وليت بكاية بزاف الله يا ربي كولشي بسباب سامي علاش خرج ليا فطريقي علاش ... دابا دازو 10 دشهور وانا فالمانيا يعني عام و انا خدامة مع هشام هههه دابا درت 24 سنة و اليوم عيد ميلادي ولكن انا بوحدي خنا فهاد البلاد وحيدة ماعندي لا اصدقاء لا تاحد كالسة فبلاصتي كيف العادة فالبالكون و فيدي كاس ديال القهوة و كنفكر فسامي بطبيعة الحال
فالمغرب
هشام : الووو صاحبي فينك
سامي : هاني جاي 5 دقايق و نكون عندك ماتخافش ماغاديش نتعطلو على سلمى هههه
اه هشام اليوم الخطبة ديالو معا حبيبتو سلمى هههه اه عمري دويت ليكم على حياتو هو و سامي اه هوما بجوج يتامى ترباو فالميتم و هشام. بوحدو و سامي كان عندو خوه حطوهوم واليديهم فالميتم و ملي كبرو عتامدو على راسهم و كونوا راسهم بوحدهم و لكن سامي تبرا من خوه
ةكونوا راسهم بوحدهم و لكن سامي تبرا من خوه الصغير حيث حصلو مع خطيبتو فوضع .... المهم هادا مختصر من حياتهم نرجعو القصة
سامي : يالاه اسي لعريس هبط شتك نتا لي تعطلتي دابا
هشام :ها هو هابط
مشا سامي و هشام باش اخطبو سلمى ههه هادي هي حالة اليتامى تا حد مامشا معاهم ... داز كولشي هو هداك و تافقو اللاكت من بعد سيمانا و العرس من بعد شهر سي هشام زربان هههه
فالمانيا :
بقيت كنفكر فسامي و غفيت فوق الفوتوي فيقني سامي (اه ماكلتش ليكم انا وسامي ولينا اصدقاء مقربين بزااااااف)
انا : الووو اش بغيتي فهاد الليل اودي
سامي و هشام : happy birthday ايناس
انا : ههههه مانسيتونييييش شكرا ليكم
سامي : منا كانتسناو 00:00 باش نباركو ليك
هشام : اه واليوم الفرحة فرحتين اختيتو
سامي : اه
انا : اش واقع عندكم تما
سامي : هشام ولا عريييس هههههههههههه
انا : ههههه بصاح ... مبروك ليك فرحتيني بزاف والله الله يكمل بالخير انا انتاصل غدا بسلمى نبارك ليها
هشام و سامي : هههه لي بغيتي شوفي من هنا لشهر راه كاين العرس ما بغيت تا اعتراض تركبي اول طيارة يالاه بونوي
انا : ولكن ... بونوي
اه هشام عندو الحق الفرحة ولات جوج ههههه وانا لي كنت نكول بلي انا وحيدة لا انا عندي جوج اصدقاء روعة تعرفت عليهم غير عام هادي و لكن لقيت راحتي معاهم ههه حتى ماعطاني فرصة اووف مابغيتش نمشي للمغرب .....
يتبع في الفصل الثاني
